InfoMentor Logo

Viðmiðin eru alltaf skýr

InfoMentor kerfið er hannað til að auðvelda skólum að innleiða hæfninám samkvæmt aðalnámskrá. Í hæfninámi eru hæfniviðmið veigamikill þáttur en þau eru lýsing á hæfni sem nemendur eiga að stefna að. Hæfnikortin í InfoMentor innihalda þessi hæfniviðmið fyrir hverja námsgrein og hvern árgang.

Kennarinn setur fram hvaða hæfniviðmið er unnið með hverju sinni og tengir áætlanir, verkefni og námsefni við þau inn í námslotu.

Nemendur hafa aðgang að sínum námslotum kjósi kennari að nota námslotur til að halda utan um skipulag námsins. Í framhaldi metur kennari árangur nemenda og þar með gefst einstakt tækifæri til að upplýsa og virkja nemendur til þátttöku í eigin námi. Samhliða þessu gefst kennurum tækifæri á að efla samstarf sitt því þeir geta miðlað efni, afritað og endurnýtt og sparað þannig mikla vinnu og tíma.

Einföld og skýr uppsetning hjá kennaranum

Námslotur í InfoMentor halda utan um kennsluna. Kennarar búa sér til lotur í hverju fagi eða þvert á námsgreinar þar sem þeir tengja hæfniviðmið, matsviðmið, námsmarkmið, verkefni og námsefni sem taka á fyrir.

Í framhaldinu geta þeir metið þessa þætti og kallað fram hæfnikort nemenda sem gefur skýra sýn á stöðu nemandans hverju sinni. Vinna kennarans verður einfaldari, námsmatið verður áreiðanlegra og nemendur fá skýrari upplýsingar um eiginn árangur og hvar þeir geta bætt sig.

Um fleiri möguleika er að ræða í kerfinu sem miða að samstarfi og samskiptum.

Samþætting við Google og O365

Mögulegt er að samþætta gögn frá InfoMentor og Google eða O365. Með einni innskráningu fá kennarar aðgang að tölvupóstinum sínum, dagatalinu og drifinu þar sem þeir geta geymt öll gögn sem þeir eru að nota á InfoMentor. Vinnan verður einfaldari og tekur minni tíma.

 

Spurningar og svör
Hér getur þú sótt skjal sem inniheldur algengustu spurningar og svör fyrir aðstandendur nemenda í grunnskóla
Hlaða niður
Aðgerðalisti fyrir grunnskóla
Hér er hægt að hlaða niður skjali þar sem taldir eru upp þeir möguleikar sem kerfið býður upp á.
Hlaða niður
Hafa samband

InfoMentor
Höfðabakki 9
110 Reykjavík

Sími: 520 5310
Netfang: info@infomentor.is

Infomentor

Allir nemendur eiga að fá tækifæri til að hámarka hæfni sína. Við tökum virkan þátt í skólaþróun og bjóðum upp á kerfi sem styður við faglegt starf kennara og miðar að hæfnimiðuðu námi.

InfoMentor Logo White
© InfoMentor
2024
locklaptopearthmagnifiercrosschevron-downarrow-right