Fjarkynningar

Við hjá InfoMentor viljum bjóða ykkur á fjarkynningu á InfoMentor kerfinu fyrir grunnskóla mánudaginn 29. apríl kl 14.00 – 15.00. Skráning fer fram á heimasíðu InfoMentor,  https://www.infomentor.is/fraedsla/ en þátttakendur fá sendan fjarfundarhlekk fyrir kynninguna.

Ef óskað er eftir frekari upplýsingum er hægt að senda tölvupóst á radgjafar@infomentor.is eða hringja í síma 5205310.

Við hlökkum til að heyra frá ykkur eða að hitta ykkur á fjarkynningu.

Skráning

Gjaldakerfið er viðbótareining við grunnkerfið sem sér um sjálfvirkan útreikning dvalargjalda. Einingin er aðgengileg bæði skólastjórnendum og starfsmönnum sveitarfélaga/rekstraraðila. Uppsetning kerfisins byggir á gjaldskrá hvers sveitarfélags/rekstraraðila og er því aðlagað eftir þörfum. Þegar gjaldskrá hefur verið sett upp og leikskólastjóri hefur valið viðeigandi dvalargjöld hjá nemendum er kerfið tilbúið til notkunar. Við sjálfvirkan útreikning gjalda les kerfið saman dvalargjöld og upplýsingar um dvalartíma, máltíðir og önnur tilfallandi gjöld, leiðréttingar og afslætti. Kerfið skilar sundurliðuðum upplýsingum yfir öll gjöld, ásamt skýrslum, sem veita þægilegt yfirlit yfir innheimtu hvers mánaðar og skilagreinum fyrir bókhaldskerfi. Skilagreinarnar eru fluttar mánaðarlega inn í kerfi eins og Navision, DK og SAP, sem er til mikils hægðarauka fyrir rekstraraðila.

Fyrirhugað er að hafa ókeypis kynningu í fjarfundi fyrir þá sem vilja kynna sér kerfið betur.

Nauðsynlegt er að skrá sig.

Kynningin verður miðvikudaginn 17. apríl, klukkan 11:00-11:30.

Innritunarkerfið er viðbótareining við grunnkerfið sem heldur utan um allar umsóknir sem berast skólum um leikskólapláss. Einingin er aðgengileg bæði skólastjórnendum og starfsmönnum sveitarfélaga/rekstraraðila. Aðstandendur fylla út umsóknarform sem eru ýmist í boði í sveitarfélagsgátt eða á heimasíðu skólans og senda inn í kerfið. Unnið er með umsóknirnar í kerfinu, þar sem þær hafa mismunandi stöðu: Bíður afgreiðslu, afgreiddar, hafnað og flutningur. Þegar umsókn er samþykkt stofnast nemandinn í kerfinu með stöðuna á bið sem inniheldur allar upplýsingar úr umsókninni um nemandann og aðstandendur. Í boði er að senda aðstandendum tölvupóst með staðfestingu á móttöku umsóknar og einnig þegar umsókn er samþykkt, sem er til mikils tímasparnaðar. Kerfið býður einnig upp á starfsumsóknir og vinnslu þeirra.

Fyrirhugað er að hafa ókeypis kynningu í fjarfundi fyrir þá sem vilja kynna sér kerfið betur.

Nauðsynlegt er að skrá sig.

Kynningin verður fimmtudaginn 18. apríl, klukkan 11:00-11:30.

InfoMentor kynnir Karellen kerfið sem er íslenskt leikskólakerfi sem er notað víða í leikskólum landsins. InfoMentor á og rekur einnig InfoMentor kerfið fyrir grunnskóla en Karellen varð hluti af InfoMentor árið 2018. Komin er áratuga reynsla á kerfið sem hefur farið í gegnum ýmsar breytingar og er stöðugt í þróun.

Boðið er upp á fjarkynningu á kerfinu þann 23. apríl kl 10.00. Skráning fer fram á heimasíðu InfoMentor,  https://www.infomentor.is/fraedsla/ en þátttakendur fá sendan fjarfundarhlekk fyrir kynninguna.

Ef þinn skóli eða þitt sveitarfélag hefur áhuga á að fá tilboð eða frekari kynningu má senda fyrirspurn á netfangið info@karellen.is eða með því að hringja í síma 5205310.