Kynning
Country
Choose country:

„Ábendingar og aðstoð um allt sem viðkemur InfoMentor“

Getum við aðstoðað?

Eðlilega vakna ýmsar spurningar þegar notendur eru að vinna í InfoMentor. Við aðstoðum með ánægju en hér fyrir neðan má finna svör við algengustu spurningunum og hér til hægri má skoða kennslumyndböndin okkar á Youtube rás InfoMentors. Hugsanlega áttu eftir að rekast á atriði sem þú hefur ekki nýtt þér áður í þessum upplýsingum og þér gæti þótt áhugavert að nýta. Handbók er aðgengileg í kerfinu og henni fylgja stutt kennslumyndbönd fyrir stjórnendur og kennara.

Algengar spurningar

Hér fyrir neðan höfum við tekið saman svör við algengustu spurningunum sem við fáum. Svörin geta verið mismunandi eftir því hvort notandi er kennari eða foreldri en vonandi finnur þú það sem þú ert að leita að. Ef ekki, máttu gjarnan láta okkur vita. Við erum þakklát fyrir allar ábendingar um það hvernig veita megi betri leiðbeiningar.

 

Fyrir nemendur og aðstandendur í grunnskóla

Ef þú finnur ekki svar þitt hér fyrir neðan sem varðar nemendur eða aðstandendur skaltu hafa samband við skrifstofu skólans og fá frekari aðstoð þar.

Ég hef gleymt lykilorðinu, hvernig fæ ég nýtt?
Þú getur smellt á „Innskráningu“ og í framhaldinu „Gleymt lykilorð“. Ef þú ert skráður sem aðstandandi hjá skólanum og með rétt netfang skráð þar, ættir þú að fá tölvupóst sem gefur þér frekari upplýsingar um innskráningu. Ef það er ekki raunin þarftu að hafa samband við skólann og biðja um að þú sért skráð/ur inn og rétt netfang fylgi með.

Hvernig fá nemendur aðgang?
Sem foreldri eða aðstandandi hefur þú aðgang að börnunum þínum á einum stað óháð skóla eða skólastigi. Hvert barn hefur síðan sitt eigið lykilorð og það geta aðstandendur útbúið handa þeim inni á sínum eigin aðgangi. Þegar nemendur skrá sig inn sjá þeir aðeins upplýsingar um sig.

Mér tekst ekki að skrá mig inn, af hverju?
Notandanafn og lykilorð þarf að vera nákvæmlega rétt skrifað. Lágstafir og hástafir skipta máli og gæta þarf þess að ekki bætist við aukabil að framan eða aftan. Algengt er að stillt sé á „CapsLock“ eða hástafi á lyklaborðinu án þess að notendur veiti því athygli.

Ég er með flókið lykilorð sem ég vil breyta. Hvernig geri ég það?
Þegar þú hefur skráð þig inn sérðu nafnið þitt efst á síðunni til hægri og með því að smella á það gefst þér tækifæri til að – Breyta lykilorði –  Mundu að lykilorð þarf að innihalda bæði bókstafi og tölustafi og þarf að vera að lágmarki átta stafir.

Get ég skráð mig inn á InfoMentor í gegnum snjallsímann minn?
Já, þú skráir þig inn eins og venjulega og það er tilvalið að virkja PIN númerið því þá verður innskráningin fljótlegri síðar meir. Þegar þú hefur skrá þig inn getur þú smellt á táknið sem er neðst á skjánum (mismunandi eftir tegundum) og  valið „Add to Home Screen”. Þá verður til tákn á skjáborðinu með InfoMentor tákninu og með því að smella það í framtíðinni opnast innskráningarsíðan og þú þarft bara að slá inn 4 stafa PIN númer til að komast inn á InfoMentor.

Ég á fleiri en eitt barn í grunnskóla, hvernig veit ég hvaða gögn tilheyra hverju barni?
Efst á skjánum sérðu hvaða barni gögnin tilheyra. Með því að smella á nafnið getur þú valið annað barn og þá koma upplýsingar um það fram á skjáinn.

Get ég nálgast upplýsingar um nám barna minna frá fyrri skólaárum?
Já, þegar þú skoðar námslotur getur þú valið mismunandi skólaár. Sama verður mögulegt með námsmat fyrir lok þessa árs.

Hverjir sjá upplýsingar um barnið mitt í InfoMentor?
Upplýsingar um hvert og eitt barn sjá þeir kennarar sem eru að kenna því og ákveðnir aðilar skólans sem skólastjórnendur hafa gefið aðgang. Aðrir nemendur eða foreldrar sjá engar upplýsingar um barnið nema heimilisfang og símanúmer í bekkjarlistanum.

Hvernig birtast upplýsingar um mig sem aðstandenda?
Skólinn skráir inn upplýsingar um þig og þeir sem hafa aðgang að þínu barni innan skólans geta séð upplýsingar um þig eins og t.d. símanúmer og netfang. Hvað varðar aðra aðstandendur í bekk barnsins þíns þá getur þú stillt hvað á að vera sýnilegt og hvað ekki. Með því að smella á nafnið þitt og síðan á „Stillingar“ færðu tækifæri til að uppfæra eigin upplýsingar og um leið velja hvað af þeim upplýsingum á að vera sýnilegt öðrum foreldrum með því að fara í friðhelgisstillingar.

Er einhver hætta á því að upplýsingar um barnið mitt lendi í höndunum á óviðkomandi aðilum?
InfoMentor hefur lagt mikinn metnað í að þróa kerfið í samræmi við lög og reglur um persónuvernd. Lýsing á kerfinu var send til Persónuverndar og eins hefur lögfræðistofan Mandat unnið greiningu varðandi skráningu upplýsinga í grunnskólum og persónuverndarlögin. Öllum skólum gefst kostur á námskeiði varðandi skráningu upplýsinga og persónuvernd og leggjum við mikla áherslu á miðla þekkingu varðandi þessi efni til skólanna.

Er gögnin örugg?
Já, gögnin eru öruggari í InfoMentor heldur en á pappír í skólatöskunni. Allar upplýsingar úr kerfinu eru dulkóðaðar á netinu eins og gert er í heimabanka og netþjónarnir sem hýsa gögnin eru vel varðir hjá viðurkenndum aðilum. Þú getur lagt þitt af mörkum til að viðhalda öryggi upplýsinga um barnið þitt með því að nota gott lykilorð og halda því út af fyrir þig.

Ég þarf að breyta netfanginu mínu í InfoMentor. Hvað þarf ég að gera?
Þú skráir þig inn, smellir á nafnið þitt og velur „Stillingar“. Þar getur þú uppfært netfangið, símanúmer og heimilisfang. Athugaðu að þú getur aðeins breytt upplýsingum um sjálfan þig, aðrir aðstandendur þurfa að breyta sínum eigin upplýsingum og skólinn sér um að breyta upplýsingum um nemendur.

Er hægt að skrá fleiri en tvo aðstandendur hjá hverju barni?
Já, mögulegt er að skrá eins marga aðstandendur og þörf er á. Forráðamenn þurfa að veita skólanum upplýsingar um þá aðila og hve miklar upplýsingar þeir eiga að fá frá skólanum. Eiga þeir t.d. að hafa aðgang að barninu í InfoMentor, vera á netpóstlista skólans, netpóstlista foreldrafélags o.s.frv.

Ég fæ ekki tölvupóst sem sendur er í gegnum InfoMentor heldur fer hann í ruslpóstinn minn – hvernig get ég breytt því?
Opnaðu ruslpóstinn þín og hægri smelltu á bréfið þar sem netfang sendanda er noreply@mentor.is, veldu rusl (junk) og þá getur þú valið að bréf frá þessum sendanda sé ekki ruslpóstur.

Hvernig virka mislitu reitirnir?
Við innskráningu birtast mislitir reitir sem gefa ákveðnar grunnupplýsingar. Með því að smella á hvern og einn reit gefast frekari upplýsingar um þann þátt og til að loka honum er smellt á kassatáknin í vinstra horninu uppi. Fjöldi reita getur verið mismunandi eftir skólum eftir því hvort þeir eru að nýta sér þá eða ekki.

Einn eða fleiri reitir eru tómir?
Það veltur á því hvort skólinn hafi sett inn einhver gögn.

Hvað tilheyrir hverjum reit?
Vikuáætlun – yfirlit yfir heimavinnu í hverri viku.
Stundaskrá – hér sérðu stundatöfluna en hægt er að velja vikur fram í tímann til að skoða.
Bekkjarlisti – hér sérðu bekkjarlistann með upplýsingum um heimilisfang, símanúmer og aðstandendur nemenda í bekknum.
Ástundun – hér má sjá ástundun nemandans og hægt er að tilkynna veikindi barnsins.
Dagatal – hér er skóladagatalið sem sýnir helstu helstu viðburði skólaársins, starfsdaga, frídaga og fleira.
Fréttir – hér má lesa fréttir sem annað hvort eiga eingöngu við um bekkinn eða allan skólann.
Verkefni – hér eru verkefni nemandans og þar getur hann sent kennara sínum fyrirspurnir varðandi þau.
Námslotur – hér eru námsloturnar en þær gefa heildaryfirlit yfir það sem fram fer í hverri námsgrein á tilsettum tíma.
Námsmat – hér má sjá allt námsmat, hvort sem verið er að meta viðmiðin í ákveðinni grein eða verkefni og próf.

Hvernig tilkynni ég veikindi barns?
Sem aðstandandi getur þú tilkynnt veikindi barnsins þín í gegnum InfoMentor. Þú smellir á ástundunarreitinn og þar sérðu hnappinn „Tilkynna veikindi“. Með því að smella á hann getur þú valið daginn í dag eða á morgun en um leið og skólinn hefur samþykkt þessa tilkynningu færð þú tölvupóst til staðfestingar og liturinn á reitnum breytist.

Hvenær þarf ég að fara inn á fjólubláa reitinn sem kallast fjölskylduvefur?
Nær allar upplýsingar eru sýnilegar í þessu nýja viðmóti en þó eru ákveðin atriði sem ennþá tilheyra eldri kynslóð InfoMentors og til að skoða þær þarftu að smella á þennan reit.

Virkar InfoMentor í símanum?
Já, InfoMentor virkar í ölllum símum, tölvum og spjaldtölvum.

Hvernig bý ég til flýtileið á InfoMentor í símanum mínum?
1. Opnaðu vafra og sláðu inn slóðina www.infomentor.is
2. Smelltu á innskráningu
3. Til hægri í horninu uppi má sjá hnappinn „Meira“ og með því að smella á hann er hægt að velja „Ný flýtileið á heimaskjá„.
4. Nú birtist tákn InfoMentor á heimaskjánum þínum og þú getur smellt á það og slegið inn PIN númer til að komast inn á InfoMentor.

Hvernig virkja ég PIN númerið?
Aðeins nemendur og aðstandendur geta skráð sig inn á InfoMentor með PIN númeri í stað notandanafns og lykilorðs. Til þess að virkja það þarf að skrá sig fyrst inn og þá kemur upp spurning hvort þú viljir virkja PIN númerið. Í framhaldinu smellir þú á nafnið þitt og velur „Breyta PIN“. Þú þarft að velja 4 stafa númer sem nýtist þér alltaf þegar þú skráir þig inn á InfoMentor með þessu tiltekna tæki.

Fyrir kennara og starfsfólk grunnskóla

Ef þú finnur ekki svar þitt hér fyrir neðan getur þú annað hvort leitað ráða á skrifstofu skólans, hjá skólastjórnendum eða með því að hafa samband við okkur hjá InfoMentor.

Ég hef tapað upplýsingum til að skrá mig inn, hvað geri ég?
Þú þarft að biðja skólastjórnanda um að gefa þér nýtt lykilorð. Þegar þú hefur síðan skráð þig inn getur þú breytt því.

Ég er byrjandi, hvar finn ég upplýsingar um kerfið?
Handbók er aðgengileg inni í kerfinu. Smella þarf á spurningamerkið efst til hægri á skjánum og þá opnast handbók. Hún gefur þér upplýsingar í samræmi við staðsetningu þína í kerfinu. Inn á milli í handbókinni eru stutt myndbönd sem lýsa efninu frekar. Eins má finna gagnlegar leiðbeiningar undir skilaboðum sem hafa verið send öllum kennurum.

Hvað þarf ég að gera sem kennari?
Sem kennari berð þú ábyrgð á árangri nemenda þinna í námi. Það felur í sér að þú þarft að setja upp áætlun sem hæfir hverjum og einum nemenda og hana þarf að gera í samstarfi við nemendur, foreldra og aðra kennara. Þú berð einnig ábyrgð á upplýsingagjöf til nemenda og foreldra þannig að allir aðilar séu vel upplýstir um framgang námsins.

Hvernig stofna ég mína eigin hópa?
Kennarar hafa yfirleitt aðgang að þeim bekkjum og hópum sem þeir eru að kenna skv. stundaskrá og oft vilja þeir geta skipt bekk upp í nokkra minni hópa. Það er gert með því að hægri smella á -Mínir hópar- sem er sýnilegt neðst í hópatrénu. Síðan er hópur skráður og nemendur eru síðan dregnir úr bekknum inn í þennan hóp. Nemendur hverfa ekki úr bekknum og sami nemandinn getur verið í mörgum hópum. Þessa hópa sér aðeins kennarinn sem stofnaði þá en ef fleiri kennarar vilja hafa aðgang að þessum hópum er best að fá stjórnanda til að stofna þá í hópatré og gera þá sýnilega fyrir þeim.

Hvernig sendi ég ástundunaryfirlit til foreldra/forráðamanna?
Um er að ræða einfalda aðgerð. Þú ferð í „Hópa“ hakar við bekkinn eða tiltekna nemendur og smellir síðan á „Senda ástundun í pósti“. Þá ertu beðin/nn um að velja tímabil og í framhaldinu smellir þú á „senda“. Foreldrar/forráðamenn fá þá ástundunaryfirlitið fyrir barnið sitt sent í tölvupósti. Kennara gefst kostur á að skrá umsögn með fyrir hvern og einn nemanda og það sjá eingöngu aðstandendur hans.

Hvernig er hægt að skrá heimavinnuáætlun á einstakling?
Hægt er að gera heimavinnuáætlun fyrir einstaklinga. Það er gert á sama hátt og fyrir hópa en þegar búið er að velja hópinn er smellt á „Velja nemendur“ og hakað við nemandann.

Hvað er hæfnikort?
Þegar nemandaspjaldið er opnað er m.a. hægt að opna hæfnikort nemandans. Þar þarf að velja tiltekna námsgrein og í framhaldinu er hægt að skoða stöðu nemandans eða meta hann í þeim viðmiðum sem þar eru sett fram.

Hvað eru námslotur?
Námslotur halda utan um allt sem tengist kennslu kennarans í tilteknu fagi yfir ákveðið tímabil. T.d. viðmiðin sem unnið er að, námsefni, verkefni og námsmat. Hægt er að afrita námslotur og endurnýta fyrir aðra nemendur.

Hvernig get ég eytt námslotu?
Til að eyða námslotu þarf fyrst að fjarlægja viðmið og verkefni sem eru skráð í hana.

Af hverju get ég ekki metið verkefni sem ég skráði á nemendur?
Þú hefur væntanlega gleymt að velja matskvarða fyrir verkefnið. Þú skalt uppfæra verkefnið þitt og skrá þann kvarða sem hentar best.

Hvar sé ég stundatöfluna mína?
Á forsíðunni sérðu stundatöfluna þína í dag en til að sjá vikuna í heild sinni þarftu að smella á „Opna“.

Fyrir skólastjórnendur í grunnskóla

Ef þú finnur ekki svar þitt hér fyrir neðan skaltu hafa samband við okkur hjá InfoMentor, annað hvort í síma 520 5310 eða með því að senda tölvupóst á info@infomentor.is.

Samskipti við aðstandendur

Aðstandanda vantar lykilorð, hvernig get ég aðstoðað hann?
Með því að opna nemandaspjald hjá barninu hans getur þú smellt á aðstandendur og athugað hvort netfangið hans sé ekki örugglega rétt skráð inn og að hakað sé við að hann hafi aðgang að InfoMentor. Ef svo er getur þú smellt á „Nýtt lykilorð“ sem er þar fyrir neðan. Viðkomandi fær þá nýtt lykilorð í tölvupósti og ætti að geta skráð sig inn. Aðstandendur geta síðan séð lykilorð barna sinna með því að skrá sig inn og skoða almennar upplýsingar um nemandann.

Af hverju virðist tölvupóstur ekki skila sér til allra?
Það gætu verið ýmsar ástæður fyrir því. Algengasta skrýringin er að hann lendi í ruslpóstinum og þá þarf viðtakandi að skoða ruslpóstinn og sækja bréfið þaðan. Til þess að forðast að það gerist aftur er einfalt fyrir hvern og einn að stilla póstinn hjá sér þannig að póstur í gegnum InfoMentor sé ekki ruslpóstur. Eins gæti netfangið verið rangt skráð inn, aukabil aftan við það eða það sé ekki hakað við að viðkomandi sé á netpóstlista. Ef ekkert af þessu skýringin skaltu hafa samband við InfoMentor.

Maður hafði samband vegna þess að hann er að fá póst frá skólanum en á hins vegar ekkert barn í skólanum. Hver getur skýringin verið?
Þessi aðili gæti verið skráður inn sem frændi/frænka hjá ákveðnu barni að beiðni foreldra en þá þarf að athuga hvort ástæða sé til að hafa hann á póstlistanum eða með aðgang að barninu á InfoMentor. Önnur skýring gæti verið að netfangið væri ranglega skráð hjá einhverjum aðstandanda í skólanum. Skoða þarf hvar netfangið hans er skráð og leiðrétta þannig að sá aðili fái örugglega tölvupóstinn sinn. Ef þetta er hins vegar ekki skýringin þá kemur það fyrir að aðstandendur skrá vinnunetföngin sín inn í InfoMentor en skipta síðan um starf. Vinnunetfangið er þá yfirleitt áframsent á annan starfsmann sem gæti verið skýringin í svona tilvikum. Skólinn þarf að skoða þetta og sjálfsagt að leita aðstoðar hjá InfoMentor.

Hvernig opna ég fyrir veikindaskráningar aðstandenda?
Hver skóli fyrir sig getur opnað fyrir veikindaskráningar aðstandenda. Það er gert með því að smella á Skólastjórnendur og velja Ástundun undir Kerfisstillingar. Þar þarf að haka framan við Forfallaskráningar foreldra. Í framhaldinu þarf að upplýsa aðstandendur um þennan möguleika þannig að þeir geta tilkynnt veikindi barna sinna inn á InfoMentor. Ritari eða annar aðili skólans getur síðan kallað fram að morgni allar veikindaskráningar aðstandenda og samþykkt þær. Þá fer  sjálfkrafa bréf til aðstandenda um að skráningin þeirra sé móttekin. Sé barn veikt lengur en tvo daga þarf venjulega að hafa samband við skólann og greina betur frá veikindunum.

Hvernig fær skólinn aðgang að SMS sendingum?
Skólinn þarf að hafa samband við InfoMentor og óska eftir þessum möguleika. Þá þarf að tilgreina fjölda af SMS sendingum sem skólinn óskar eftir í upphafi og síðan getur skólastjórnandi stýrt því hverjir innan skólans geti sent SMS í kerfinu. Hann hefur einnig yfirsýn yfir þann fjölda af SMS-um sem hafa verið send og klárist þau ekki á skólaárinu færist inneignin yfir á næsta skólaár.

Hópaumsjón

Hvernig breyti ég hópatrénu?
Stjórnendur hafa aðgang að Hópaumsjón þegar þeir smella efst á Skólastjórnendur. Tengdar aðgerðir birtast þá í aðgerðahlutanum til hægri. Þar er t.d. hægt að stofna bekk eða hóp og eyða. Skrá inn nemendur og staðsetja bekkina. Hver nemandi getur aðeins verið skráður í einn bekk en hann getur verið í mörgum hópum. Greina má mun á bekk og hóp þar sem bekkir eru skrifaðir með svörtu letri en hópar með gráu.

Hvernig skrái ég nemendur sem hætta í skólanum?
Þú þarft að vera í hópaumsjón og haka við tiltekinn nemanda og smella síðan á – Flytja í hættir – í reitnum til hægri. Þar með er hann orðinn óvirkur í þínum skóla og færist úr bekknum yfir í hóp sem heitir Hættir 20XX. Alltaf má nálgast upplýsingar um hann með því að finna hann í þeim hóp.

Af hverju eru nöfn nemenda rauð?
Liturinn á nafni nemanda fer eftir því hvort hann er virkur eða ekki. Með því að opna nemandaspjaldið má sjá hvenær hann var skráður í skólann og hver áætluð lokadagsetning er. Ef röng dagsetning hefur verið skráð þarf að smella á dagatalið og setja inn rétta dagsetningu. Ef annar skóli skráir nemandann inn hjá sér verður nafn hans rautt í þínum skóla og þú færð sjálfkrafa bréf frá skólanum sem skráði hann inn hjá sér.

Starfsmenn

Hvernig gef ég starfsmanni nýtt lykilorð.
Ef smellt er á Skólastjórnendur efst á síðunni má sjá „Aðgangsstýringu“. Með því opna hana sérðu alla virka starfsmenn í skólanum og lykil aftan við hvern og einn þeirra. Með því að smella á lykilinn getur þú búið til nýtt lykilorð og afhent starfsmanninum en hann getur breytt því þegar hann skráir sig inn í kerfið.

Hvernig gef ég kennara aðgang að ákveðnum hópum.
Allir hópar sem skráðir eru á stundatöflu kennara eru honum sýnilegir en ef hann þarf hins vegar aðgang að fleiri hópum eða er ekki með stundatöflu má fara í Aðgangsstýringu og smella á hnappinn Aðgangur að hópum. Þar þarf að velja viðkomandi starfsmann og merkja síðan við þá hópa sem hann þarf að hafa aðgang að.

Fyrir aðstandendur í leikskóla

Ef þú finnur ekki svar þitt hér fyrir neðan sem varðar aðgang aðstandenda skaltu hafa samband við leikskólann og fá frekari aðstoð þar.

Ég hef gleymt lykilorðinu, hvernig fæ ég nýtt?
Þú getur smellt á „Innskráningu“ og í framhaldinu „Gleymt lykilorð“. Ef þú ert skráður sem aðstandandi hjá skólanum og með rétt netfang ættir þú að fá tölvupóst sem gefur þér frekari upplýsingar um innskráningu. Ef það er ekki raunin þarftu að hafa samband við skólann og biðja um að þú sért skráð/ur inn og rétt netfang fylgi með.

Mér tekst ekki að skrá mig inn, af hverju?
Notandanafn og lykilorð þarf að vera nákvæmlega rétt skrifað. Lágstafir og hástafir skipta máli og gæta þarf þess að ekki bætist við aukabil að framan eða aftan. Algengt er að stillt sé á „CapsLock“ eða hástafi á lyklaborðinu án þess að notendur veiti því athygli.

Ég er með flókið lykilorð sem ég vil breyta. Hvernig geri ég það?
Þegar þú hefur skráð þig inn sérðu nafnið þitt efst á síðunni til hægri og með því að smella á það gefst þér tækifæri til að – Breyta lykilorði –  Mundu að lykilorð þarf að innihalda bæði bókstafi og tölustafi og þarf að vera að lágmarki átta stafir.

Get ég skráð mig inn á InfoMentor í gegnum snjallsímann minn?
Já, þú skráir þig inn eins og venjulega og það er tilvalið að virkja PIN númerið því þá verður innskráningin fljótlegri síðar meir. Þegar þú hefur skráð þig inn getur þú smellt á táknið sem er neðst á skjánum (mismunandi eftir tegundum) og  valið „Add to Home Screen”. Þá verður til tákn á skjáborðinu með InfoMentor tákninu og með því að smella það í framtíðinni opnast innskráningarsíðan og þú þarft aðeins að slá inn 4 stafa PIN númer til að komast inn á InfoMentor.

Ég á fleiri en eitt barn í skóla, hvernig veit ég hvaða gögn tilheyra hverju barni?
Efst á skjánum sérðu hvaða barni gögnin tilheyra. Með því að smella á nafnið getur þú valið annað barn og þá koma upplýsingar um það fram á skjáinn. Þú sérð öll gögn varðandi börnin þín á einum stað. Það skiptir ekki máli þó börnin séu í sitthvorum skólanum eða á sitthvoru skólastiginu.

Hverjir sjá upplýsingar um barnið mitt í InfoMentor?
Upplýsingar um hvert og eitt barn sjá þeir kennarar sem eru að vinna á deild barnsins og ákveðnir aðilar skólans sem skólastjórnendur hafa gefið aðgang. Aðrir foreldrar sjá engar upplýsingar um barnið nema heimilisfang og símanúmer í nafnalistanum sem tilheyrir deild barnsins. Til að breyta stillingum um hvaða upplýsingar koma fram skaltu fara í Stillingar og velja þar friðhelgisstillingar.

Er einhver hætta á því að upplýsingar um barnið mitt lendi í höndunum á óviðkomandi aðilum?
InfoMentor hefur lagt mikinn metnað í að þróa kerfið í samræmi við lög og reglur um persónuvernd. Lýsing á kerfinu var send til Persónuverndar og eins hefur lögfræðistofan Mandat unnið greiningu varðandi skráningu upplýsinga í skólum og persónuverndarlögin. Öllum skólum gefst kostur á námskeiði varðandi skráningu upplýsinga og persónuvernd og leggjum við mikla áherslu á að miðla þekkingu varðandi þessi efni til skólanna.

Eru gögnin örugg?
Já, gögnin eru öruggari í InfoMentor heldur en á pappír. Allar upplýsingar úr kerfinu eru dulkóðaðar á netinu eins og gert er í heimabanka og netþjónarnir sem hýsa gögnin eru vel varðir hjá viðurkenndum aðilum. Þú getur lagt þitt af mörkum til að viðhalda öryggi upplýsinga um barnið þitt með því að nota gott lykilorð og halda því út af fyrir þig.

Ég þarf að breyta netfanginu mínu í InfoMentor. Hvað þarf ég að gera?
Þegar þú ert skráður inn í kerfið smellir þú á nafnið þitt og velur Stillingar og síðan Persónulegar upplýsingar. Þar gefst þér tækifæri til að breyta upplýsingum eins og heimilisfangi, símanúmerum og netfangi. Athugaðu að þú getur aðeins breytt upplýsingum um sjálfan þig, aðrir aðstandendur þurfa að breyta sínum eigin upplýsingum og skólinn sér um að breyta upplýsingum um nemendur.

Er hægt að skrá fleiri en tvo aðstandendur hjá hverju barni?
Já, mögulegt er að skrá eins marga aðstandendur og þörf er á. Forráðamenn þurfa að veita skólanum upplýsingar um þá aðila og hve miklar upplýsingar þeir eiga að fá frá skólanum. Eiga þeir t.d. að hafa aðgang að barninu í InfoMentor, vera á netpóstlista skólans, netpóstlista foreldrafélags o.s.frv.

Fyrir skólastjórnendur í leikskóla

Ef þú finnur ekki svar þitt hér fyrir neðan skaltu hafa samband við okkur hjá InfoMentor, annað hvort í síma 520 5310 eða með því að senda tölvupóst á info@infomentor.is.

Samskipti við aðstandendur

Aðstandanda vantar lykilorð, hvernig get ég aðstoðað hann?
Með því að smella á nafn barnsins færðu frekari upplýsingar um það. Þar getur þú smellt á flipann aðstandendur og athugað hvort netfangið hans sé ekki örugglega rétt skráð inn og að hann hafi aðgang að InfoMentor. Ef svo er getur þú smellt á „Nýtt lykilorð“ og viðkomandi fær þá sent nýtt lykilorð í tölvupósti og ætti að geta skráð sig inn.

Af hverju virðist tölvupóstur ekki skila sér til allra?
Það gætu verið ýmsar ástæður fyrir því. Algengasta skýringin er að hann lendi í ruslpóstinum og þá þarf viðtakandi að skoða ruslpóstinn og sækja bréfið þaðan. Til að forðast að það gerist aftur er einfalt fyrir hvern og einn að stilla póstinn hjá sér þannig að póstur í gegnum InfoMentor sé ekki ruslpóstur. Eins gæti netfangið verið rangt skráð inn, aukabil aftan við það eða það sé ekki merkt að viðkomandi sé á netpóstlista. Ef ekkert af þessu er skýringin skaltu hafa samband við InfoMentor.

Maður hafði samband vegna þess að hann er að fá póst frá skólanum en á hins vegar ekki barn í skólanum. Hver getur skýringin verið?
Netfangið hans er þá væntanlega ranglega skráð hjá einhverjum aðstandanda í skólanum. Skoða þarf hvar netfangið hans er skráð og leiðrétta þannig að sá aðili fái örugglega tölvupóstinn sinn. Ef þetta er hins vegar ekki skýringin þá kemur það fyrir að aðstandendur skrá vinnunetföngin sín inn í InfoMentor en skipta síðan um starf. Vinnunetfangið er þá yfirleitt áframsent á annan starfsmann sem gæti verið skýringin í svona tilvikum. Skólinn þarf að skoða þetta og sjálfsagt að leita aðstoðar hjá InfoMentor.

Hvernig opna ég fyrir veikindaskráningar aðstandenda?
Stjórnendur geta opnað fyrir veikindaskráningar aðstandenda. Það er gert með því að fara í Kerfisstjórn og Vistun. Þar þarf að merkja við að aðstandendur geti skráð ástundun. Í framhaldinu þarf að upplýsa aðstandendur um þennan möguleika þannig að þeir geta tilkynnt veikindi og leyfi barnanna sinna inni í kerfinu.

Hvernig fær skólinn aðgang að SMS sendingum?
Stjórnendur þurfa að hafa samband við InfoMentor og óska eftir þessum möguleika. Þá þarf að tilgreina fjölda af SMS sendingum sem skólinn óskar eftir í upphafi og síðan getur skólastjórnandi stýrt því hverjir innan skólans geti sent SMS í kerfinu. Hann hefur einnig yfirsýn yfir þann fjölda af SMS-um sem hafa verið send.

Hópaumsjón

Hvernig breyti ég hópatrénu?
Stjórnendur hafa aðgang að Hópaumsjón undir Kerfisstjórn. Tengdar aðgerðir birtast þá í aðgerðahlutanum til hægri. Þar er t.d. hægt að stofna deild eða hóp og eyða. Skrá inn börn og staðsetja þau í deildum og hópum. Hvert barn getur aðeins verið skráð á eina deild en getur verið í mörgum hópum. Greina má mun á deild og hóp þar sem deild eru skrifað með svörtu letri en hópar með gráu.

Hvernig skrái ég börn sem hætta í skólanum?
Þú þarft að vera í Kerfisstjórn  og Hópaumsjón og haka við tiltekið barn og smella síðan á „Flytja í hættir“ í reitnum til hægri. Þar með er barnið orðið óvirkt í þínum skóla og færist yfir í hóp sem heitir Hættir 20XX. Alltaf má nálgast upplýsingar með því að finna barnið í þeim hóp.

Af hverju eru nöfn barna stundum rauð?
Liturinn á nafni fer eftir því hvort barnið er virkt eða ekki. Með því að opna spjald barnsins má sjá hvenær barnið var skráð í skólann og hver áætluð lokadagsetning er. Ef röng dagsetning hefur verið skráð þarf að smella á dagatalið og setja inn rétta dagsetningu.

Starfsmenn

Hvernig gef ég starfsmanni nýtt lykilorð?
Með því að fara í Kerfisstjórn og Aðgangsstýringu færðu yfirlit yfir alla starfsmenn leikskólans. Aftan við hvern og einn er lykill sem hægt er að smella á og útbúa nýtt lykilorð. Eins þarf að velja hve mikinn aðgang viðkomandi aðili á að hafa að kerfinu. Starfsmaðurinn getur síðan breytt lykilorðinu þegar hann skráir sig inn í kerfið.

Opnunartími skrifstofu

Mánudag – föstudag 08:30-15.30
Sími: 520 5310
Netfang: info@infomentor.is

© InfoMentor 2017 / Vefsíða frá Bravissimo