Nú eru flestir grunnskólar almennt komnir í sumarfrí en þó eru stjórnendur hluti af starfsfólki enn við störf enda þarf að undirbúa komandi skólaár. Við viljum minna á að innan kerfisins eru leiðbeiningar um ýmislegt er varðar undirbúning komandi skólaárs en einnig er þjónustuverið okkar opið í allt sumar. Símaþjónustan lokar þó 3.-21.júlí en tölvupóstum verður svarað og hægt er að óska eftir samtali. Flestir leikskólar eru með sumarlokanir þegar kemur inn í júlí.
Á nýju skólaári bjóðum við nokkra skóla velkomna en það eru m.a. Öxarfjarðarskóli, Grundaskóli á Akranesi, Kóraskóli sem er nýr skóli í Kópavogi og Leikskólinn Tangi á Ísafirði sem er einnig nýr leikskóli. Það er okkar ánægja að taka á móti nýjum viðskiptavinum og fá tækifæri til að þjónusta þá sem allra best.
Við hjá InfoMentor viljum nota tækifærið og þakka öllum skólunum okkar fyrir samstarfið á skólaárinu og megið þið sem starfið í skólunum, nemendur og aðstandendur njóta sumarsins og frídaganna sem allra best.
Moli vikunnar! Við viljum benda skólunum á að fréttir innan kerfisins er mjög góð leið til að deila upplýsingum með aðstandendum. Fréttir henta vel fyrir vikupósta, almennar upplýsingar frá skólanum t.d. varðandi skipulagsdaga eða uppbrotsdaga og fleira. Aðstandendur og nemendur hafa góða yfirsýn yfir virkar fréttir og eiga auðvelt með að sía og leita eftir fréttum. Fréttir birtast undir flísinni sem kallast upplýsingaveita og notendur fá tilkynningu um að ný frétt sé komin inn. Ef þið hafið ekki prófað að nota fréttir áður þá mælum við eindregið með því 👍
InfoMentor
Höfðabakki 9
110 Reykjavík
Sími: 520 5310
Netfang: info@infomentor.is
Allir nemendur eiga að fá tækifæri til að hámarka hæfni sína. Við tökum virkan þátt í skólaþróun og bjóðum upp á kerfi sem styður við faglegt starf kennara og miðar að hæfnimiðuðu námi.
