Kynning
Country
Choose country:

Við erum tilbúin fyrir ný persónuverndarlög (GDPR)

Miklar breytingar hafa orðið í samfélaginu síðustu ár og hafa tæknilegar framfarir og aukin netnotkun breytt hegðun einstaklinga, stofnana og fyrirtækja mikið, skólastarf er þar engin undantekning. Breytingar hafa orðið á því með hvaða hætti persónuupplýsingum er safnað, geymdar og notaðar og hefur mikið magn þeirra í rafrænu formi gert öllum auðveldara að nálgast þær t.d. með nýjum aðferðum eins og í gegnum leitarvélar eða jafnvel samfélagsmiðla. Þann 25. maí 2018 tók ný reglugerð um persónuvernd gildi í aðildarríkjum ESB. Í kjölfarið er reglugerði tekin upp í EES-samningnum og í framhaldi innleidd með nýrri löggjöf á Íslandi.

Ný persónuverndarlöggjöf er sett til að mæta þessum breytingum, vernda rétt einstaklingsins og sjá til þess að upplýsingarnar séu gagnsæjar, aðgengilegar og auðskiljanlegar. Öll fyrirtæki, stofnanir, skólar og aðrir sem vinna með persónuupplýsingar þurfa að kynna sér vel nýju löggjöfina og finna út hvernig starfsemi viðkomandi fellur að þessum nýju skuldbindingum.

Öll vinnsla persónuupplýsinga samkvæmt persónuverndarlöggjöfinni verður að eiga stoð í lögum, annaðhvort í henni sjálfri eða með annarri lagaheimild. Það er á höndum ábyrgðaraðila (skólanna) að leggja mat á hvort lögmæt heimild til vinnslu persónuupplýsinga er til staðar.

Við hjá InfoMentor höfum unnið með krafti að því að vera tilbúin fyrir nýja persónuverndarlöggjöf. Teymi innan fyrirtæksins hefur unnið að því að móta og þróa persónuverndarstefnu og tryggt öryggi InfoMentors með löggjöfina að leiðarljósi. Tekið er skýrt fram í löggjöfinni að mikilvægt er að upplýsingakerfi séu útfærð með sérstaka áherslu á friðhelgi einstaklinga og hefur öll þróun á hugbúnaði InfoMentors verið með nýja persónuverndarlöggjöf í fyrirrúmi og mun hugbúnaðurinn vera að fullu fylginn nýrri löggjöf í maí 2018. Fyrirtækið hefur notið handleiðslu frá KPMG er varðar nýja löggjöf og þá meðal annars við gerð nýrra vinnslusamninga.

Viltu vita meira?

Við bjóðum upp á námskeið til að aðstoða skóla við innleiðingu á nýrri löggjöf með lög um grunnskóla til hliðsjónar en frekari upplýsingar um það má lesa hér. Einnig má finna mikið af góðum upplýsingum á vef Persónuverndar.

© InfoMentor 2018 / Vefsíða frá Bravissimo