Kynning
Country

Aðgangur að upplýsingum

Minn Mentor er sniðinn að þörfum nemenda og aðstandenda þeirra. Þeir fá upplýsingar um allt sem þeir þurfa á að halda á einum stað hvort sem þeir kalla eftir þeim í símanum, spjaldtölvunni eða tölvunni. Ný hönnun á viðmóti gerir notendum auðvelt að nálgast allar upplýsingar á skýran og einfaldan hátt þannig að þær nýtist á jákvæðan hátt.

Allt sem þú þarft að vita

Þegar nemendur og aðstandendur skrá sig inn sjá þeir marga reiti í mismunandi litum. Hver og einn þeirra inniheldur ákveðnar upplýsingar og sjá má strax yfirlit um hve mikið er þar á bak við og hvort eitthvað nýtt hefur bæst við frá því síðast þegar notandi skráði sig inn.  Fjöldi þessara mislitu reita getur verið mismunandi eftir skólum og mögulega eru einhverjir í boði sem skólinn er ekki byrjaður að nota.

Vikuáætlun – yfirlit yfir vikuna, hvort sem það er heimavinna eða aðrar upplýsingar frá kennaranum.

Stundaskrá – hér sérðu stundaskrána og getur t.d. valið ákveðinn dag fram í tímann ef þú vilt skoða hvernig kennslu er háttað þann dag.

Bekkjarlisti – hér sérðu bekkjarlistann sem inniheldur nöfn nemenda og aðstandenda, ásamt heimilisfangi og símanúmerum. Hægt er að haka framan við nöfn þeirra og senda tölvupóst t.d. þegar bjóða þarf í afmæli.

Ástundun – hér má sjá ástundun um leið og kennari hefur skráð hana inn. Sem aðstandandi getur þú tilkynnt veikindi frá þessu svæði beint úr símanum þínum.

Dagatal – hér er skóladagatalið en það sýnir yfirlit yfir alla helstu atburði ársins, s.s. prófdaga, starfsdaga, frí og aðrar mikilvægar dagsetningar.

Fréttir – hér birtast allar almennar fréttir frá skólanum en að auki geta verið fréttir sem eingöngu eiga við um bekkinn og það sem þau hafa verið að gera.

Verkefni – hér eru verkefnin sem nemendur eiga annað hvort að vinna í skólanum eða geta leyst heima. Nemendur hafa yfirsýn yfir það hve mörg verkefni bíða þeirra og þegar þeir hafa lokið þeim af geta þeir hakað við og merkt að þeim sé lokið.

Námslotur – hér sjáum við námslotur sem nemandinn er skráður í. Þær geta verið fyrir mislöng tímabil en innihalda allt sem viðkemur kennslunni í þeirri grein.

Námsmat – hér er yfirlit yfir allt námsmat í hverri grein. Hvort sem um er að ræða viðmið, námsmarkmið eða verkefni.

Námsmappa – hér eru ýmis gögn sem tilheyra nemandanum. Það geta verið myndir, sýnishorn af verkum hans eða vitnisburðarskírteini.

Rafræn próf – kennarar geta lagt rafræn próf fyrir nemendur sem þeir svara á InfoMentor og skila inn.

Flýtileið í símann – það er einfalt að búa til flýtileið í símanum að InfoMentor. Þá þarf aðeins að smella á táknið og slá inn PIN til að komast inn.

PIN númer – nemendur og aðstandendur geta virkjað PIN númer sem þeir nota til að skrá sig inn í stað þess að vera með notandanafn og lykilorð.

 

Fyrir aðstandendur í leikskóla

Ef þú finnur ekki svar þitt hér fyrir neðan sem varðar aðgang aðstandenda skaltu hafa samband við leikskólann og fá frekari aðstoð þar.

Ég hef gleymt lykilorðinu, hvernig fæ ég nýtt?
Þú getur smellt á „Innskráningu“ og í framhaldinu „Gleymt lykilorð“. Ef þú ert skráður sem aðstandandi hjá skólanum og með rétt netfang ættir þú að fá tölvupóst sem gefur þér frekari upplýsingar um innskráningu. Ef það er ekki raunin þarftu að hafa samband við skólann og biðja um að þú sért skráð/ur inn og rétt netfang fylgi með.

Mér tekst ekki að skrá mig inn, af hverju?
Notandanafn og lykilorð þarf að vera nákvæmlega rétt skrifað. Lágstafir og hástafir skipta máli og gæta þarf þess að ekki bætist við aukabil að framan eða aftan. Algengt er að stillt sé á „CapsLock“ eða hástafi á lyklaborðinu án þess að notendur veiti því athygli.

Ég er með flókið lykilorð sem ég vil breyta. Hvernig geri ég það?
Þegar þú hefur skráð þig inn sérðu nafnið þitt efst á síðunni til hægri og með því að smella á það gefst þér tækifæri til að – Breyta lykilorði –  Mundu að lykilorð þarf að innihalda bæði bókstafi og tölustafi og þarf að vera að lágmarki átta stafir.

Get ég skráð mig inn á InfoMentor í gegnum snjallsímann minn?
Já, þú skráir þig inn eins og venjulega og það er tilvalið að virkja PIN númerið því þá verður innskráningin fljótlegri síðar meir. Þegar þú hefur skráð þig inn getur þú smellt á táknið sem er neðst á skjánum (mismunandi eftir tegundum) og  valið „Add to Home Screen”. Þá verður til tákn á skjáborðinu með InfoMentor tákninu og með því að smella það í framtíðinni opnast innskráningarsíðan og þú þarft aðeins að slá inn 4 stafa PIN númer til að komast inn á InfoMentor.

Ég á fleiri en eitt barn í skóla, hvernig veit ég hvaða gögn tilheyra hverju barni?
Efst á skjánum sérðu hvaða barni gögnin tilheyra. Með því að smella á nafnið getur þú valið annað barn og þá koma upplýsingar um það fram á skjáinn. Þú sérð öll gögn varðandi börnin þín á einum stað. Það skiptir ekki máli þó börnin séu í sitthvorum skólanum eða á sitthvoru skólastiginu.

Hverjir sjá upplýsingar um barnið mitt í InfoMentor?
Upplýsingar um hvert og eitt barn sjá þeir kennarar sem eru að vinna á deild barnsins og ákveðnir aðilar skólans sem skólastjórnendur hafa gefið aðgang. Aðrir foreldrar sjá engar upplýsingar um barnið nema heimilisfang og símanúmer í nafnalistanum sem tilheyrir deild barnsins. Til að breyta stillingum um hvaða upplýsingar koma fram skaltu fara í Stillingar og velja þar friðhelgisstillingar.

Er einhver hætta á því að upplýsingar um barnið mitt lendi í höndunum á óviðkomandi aðilum?
InfoMentor hefur lagt mikinn metnað í að þróa kerfið í samræmi við lög og reglur um persónuvernd. Lýsing á kerfinu var send til Persónuverndar og eins hefur lögfræðistofan Mandat unnið greiningu varðandi skráningu upplýsinga í skólum og persónuverndarlögin. Öllum skólum gefst kostur á námskeiði varðandi skráningu upplýsinga og persónuvernd og leggjum við mikla áherslu á að miðla þekkingu varðandi þessi efni til skólanna.

Eru gögnin örugg?
Já, gögnin eru öruggari í InfoMentor heldur en á pappír. Allar upplýsingar úr kerfinu eru dulkóðaðar á netinu eins og gert er í heimabanka og netþjónarnir sem hýsa gögnin eru vel varðir hjá viðurkenndum aðilum. Þú getur lagt þitt af mörkum til að viðhalda öryggi upplýsinga um barnið þitt með því að nota gott lykilorð og halda því út af fyrir þig.

Ég þarf að breyta netfanginu mínu í InfoMentor. Hvað þarf ég að gera?
Þegar þú ert skráður inn í kerfið smellir þú á nafnið þitt og velur Stillingar og síðan Persónulegar upplýsingar. Þar gefst þér tækifæri til að breyta upplýsingum eins og heimilisfangi, símanúmerum og netfangi. Athugaðu að þú getur aðeins breytt upplýsingum um sjálfan þig, aðrir aðstandendur þurfa að breyta sínum eigin upplýsingum og skólinn sér um að breyta upplýsingum um nemendur.

Er hægt að skrá fleiri en tvo aðstandendur hjá hverju barni?
Já, mögulegt er að skrá eins marga aðstandendur og þörf er á. Forráðamenn þurfa að veita skólanum upplýsingar um þá aðila og hve miklar upplýsingar þeir eiga að fá frá skólanum. Eiga þeir t.d. að hafa aðgang að barninu í InfoMentor, vera á netpóstlista skólans, netpóstlista foreldrafélags o.s.frv.

Fyrir nemendur og aðstandendur í grunnskóla

Ef þú finnur ekki svar þitt hér fyrir neðan sem varðar nemendur eða aðstandendur skaltu hafa samband við skrifstofu skólans og fá frekari aðstoð þar.

Ég hef gleymt lykilorðinu, hvernig fæ ég nýtt?
Þú getur smellt á „Innskráningu“ og í framhaldinu „Gleymt lykilorð“. Ef þú ert skráður sem aðstandandi hjá skólanum og með rétt netfang skráð þar, ættir þú að fá tölvupóst sem gefur þér frekari upplýsingar um innskráningu. Ef það er ekki raunin þarftu að hafa samband við skólann og biðja um að þú sért skráð/ur inn og rétt netfang fylgi með.

Hvernig fá nemendur aðgang?
Sem foreldri eða aðstandandi hefur þú aðgang að börnunum þínum á einum stað óháð skóla eða skólastigi. Hvert barn hefur síðan sitt eigið lykilorð og það geta aðstandendur útbúið handa þeim inni á sínum eigin aðgangi. Þegar nemendur skrá sig inn sjá þeir aðeins upplýsingar um sig.

Mér tekst ekki að skrá mig inn, af hverju?
Notandanafn og lykilorð þarf að vera nákvæmlega rétt skrifað. Lágstafir og hástafir skipta máli og gæta þarf þess að ekki bætist við aukabil að framan eða aftan. Algengt er að stillt sé á „CapsLock“ eða hástafi á lyklaborðinu án þess að notendur veiti því athygli.

Ég er með flókið lykilorð sem ég vil breyta. Hvernig geri ég það?
Þegar þú hefur skráð þig inn sérðu nafnið þitt efst á síðunni til hægri og með því að smella á það gefst þér tækifæri til að – Breyta lykilorði –  Mundu að lykilorð þarf að innihalda bæði bókstafi og tölustafi og þarf að vera að lágmarki átta stafir.

Get ég skráð mig inn á InfoMentor í gegnum snjallsímann minn?
Já, þú skráir þig inn eins og venjulega og það er tilvalið að virkja PIN númerið því þá verður innskráningin fljótlegri síðar meir. Þegar þú hefur skrá þig inn getur þú smellt á táknið sem er neðst á skjánum (mismunandi eftir tegundum) og  valið „Add to Home Screen”. Þá verður til tákn á skjáborðinu með InfoMentor tákninu og með því að smella það í framtíðinni opnast innskráningarsíðan og þú þarft bara að slá inn 4 stafa PIN númer til að komast inn á InfoMentor.

Ég á fleiri en eitt barn í grunnskóla, hvernig veit ég hvaða gögn tilheyra hverju barni?
Efst á skjánum sérðu hvaða barni gögnin tilheyra. Með því að smella á nafnið getur þú valið annað barn og þá koma upplýsingar um það fram á skjáinn.

Get ég nálgast upplýsingar um nám barna minna frá fyrri skólaárum?
Já, þegar þú skoðar námslotur getur þú valið mismunandi skólaár. Sama verður mögulegt með námsmat fyrir lok þessa árs.

Hverjir sjá upplýsingar um barnið mitt í InfoMentor?
Upplýsingar um hvert og eitt barn sjá þeir kennarar sem eru að kenna því og ákveðnir aðilar skólans sem skólastjórnendur hafa gefið aðgang. Aðrir nemendur eða foreldrar sjá engar upplýsingar um barnið nema heimilisfang og símanúmer í bekkjarlistanum.

Hvernig birtast upplýsingar um mig sem aðstandenda?
Skólinn skráir inn upplýsingar um þig og þeir sem hafa aðgang að þínu barni innan skólans geta séð upplýsingar um þig eins og t.d. símanúmer og netfang. Hvað varðar aðra aðstandendur í bekk barnsins þíns þá getur þú stillt hvað á að vera sýnilegt og hvað ekki. Með því að smella á nafnið þitt og síðan á „Stillingar“ færðu tækifæri til að uppfæra eigin upplýsingar og um leið velja hvað af þeim upplýsingum á að vera sýnilegt öðrum foreldrum með því að fara í friðhelgisstillingar.

Er einhver hætta á því að upplýsingar um barnið mitt lendi í höndunum á óviðkomandi aðilum?
InfoMentor hefur lagt mikinn metnað í að þróa kerfið í samræmi við lög og reglur um persónuvernd. Lýsing á kerfinu var send til Persónuverndar og eins hefur lögfræðistofan Mandat unnið greiningu varðandi skráningu upplýsinga í grunnskólum og persónuverndarlögin. Öllum skólum gefst kostur á námskeiði varðandi skráningu upplýsinga og persónuvernd og leggjum við mikla áherslu á miðla þekkingu varðandi þessi efni til skólanna.

Er gögnin örugg?
Já, gögnin eru öruggari í InfoMentor heldur en á pappír í skólatöskunni. Allar upplýsingar úr kerfinu eru dulkóðaðar á netinu eins og gert er í heimabanka og netþjónarnir sem hýsa gögnin eru vel varðir hjá viðurkenndum aðilum. Þú getur lagt þitt af mörkum til að viðhalda öryggi upplýsinga um barnið þitt með því að nota gott lykilorð og halda því út af fyrir þig.

Ég þarf að breyta netfanginu mínu í InfoMentor. Hvað þarf ég að gera?
Þú skráir þig inn, smellir á nafnið þitt og velur „Stillingar“. Þar getur þú uppfært netfangið, símanúmer og heimilisfang. Athugaðu að þú getur aðeins breytt upplýsingum um sjálfan þig, aðrir aðstandendur þurfa að breyta sínum eigin upplýsingum og skólinn sér um að breyta upplýsingum um nemendur.

Er hægt að skrá fleiri en tvo aðstandendur hjá hverju barni?
Já, mögulegt er að skrá eins marga aðstandendur og þörf er á. Forráðamenn þurfa að veita skólanum upplýsingar um þá aðila og hve miklar upplýsingar þeir eiga að fá frá skólanum. Eiga þeir t.d. að hafa aðgang að barninu í InfoMentor, vera á netpóstlista skólans, netpóstlista foreldrafélags o.s.frv.

Ég fæ ekki tölvupóst sem sendur er í gegnum InfoMentor heldur fer hann í ruslpóstinn minn – hvernig get ég breytt því?
Opnaðu ruslpóstinn þín og hægri smelltu á bréfið þar sem netfang sendanda er noreply@mentor.is, veldu rusl (junk) og þá getur þú valið að bréf frá þessum sendanda sé ekki ruslpóstur.

Hvernig virka mislitu reitirnir?
Við innskráningu birtast mislitir reitir sem gefa ákveðnar grunnupplýsingar. Með því að smella á hvern og einn reit gefast frekari upplýsingar um þann þátt og til að loka honum er smellt á kassatáknin í vinstra horninu uppi. Fjöldi reita getur verið mismunandi eftir skólum eftir því hvort þeir eru að nýta sér þá eða ekki.

Einn eða fleiri reitir eru tómir?
Það veltur á því hvort skólinn hafi sett inn einhver gögn.

Hvað tilheyrir hverjum reit?
Vikuáætlun – yfirlit yfir heimavinnu í hverri viku.
Stundaskrá – hér sérðu stundatöfluna en hægt er að velja vikur fram í tímann til að skoða.
Bekkjarlisti – hér sérðu bekkjarlistann með upplýsingum um heimilisfang, símanúmer og aðstandendur nemenda í bekknum.
Ástundun – hér má sjá ástundun nemandans og hægt er að tilkynna veikindi barnsins.
Dagatal – hér er skóladagatalið sem sýnir helstu helstu viðburði skólaársins, starfsdaga, frídaga og fleira.
Fréttir – hér má lesa fréttir sem annað hvort eiga eingöngu við um bekkinn eða allan skólann.
Verkefni – hér eru verkefni nemandans og þar getur hann sent kennara sínum fyrirspurnir varðandi þau.
Námslotur – hér eru námsloturnar en þær gefa heildaryfirlit yfir það sem fram fer í hverri námsgrein á tilsettum tíma.
Námsmat – hér má sjá allt námsmat, hvort sem verið er að meta viðmiðin í ákveðinni grein eða verkefni og próf.

Hvernig tilkynni ég veikindi barns?
Sem aðstandandi getur þú tilkynnt veikindi barnsins þín í gegnum InfoMentor. Þú smellir á ástundunarreitinn og þar sérðu hnappinn „Tilkynna veikindi“. Með því að smella á hann getur þú valið daginn í dag eða á morgun en um leið og skólinn hefur samþykkt þessa tilkynningu færð þú tölvupóst til staðfestingar og liturinn á reitnum breytist.

Hvenær þarf ég að fara inn á fjólubláa reitinn sem kallast fjölskylduvefur?
Nær allar upplýsingar eru sýnilegar í þessu nýja viðmóti en þó eru ákveðin atriði sem ennþá tilheyra eldri kynslóð InfoMentors og til að skoða þær þarftu að smella á þennan reit.

Virkar InfoMentor í símanum?
Já, InfoMentor virkar í ölllum símum, tölvum og spjaldtölvum.

Hvernig bý ég til flýtileið á InfoMentor í símanum mínum?
1. Opnaðu vafra og sláðu inn slóðina www.infomentor.is
2. Smelltu á innskráningu
3. Til hægri í horninu uppi má sjá hnappinn „Meira“ og með því að smella á hann er hægt að velja „Ný flýtileið á heimaskjá„.
4. Nú birtist tákn InfoMentor á heimaskjánum þínum og þú getur smellt á það og slegið inn PIN númer til að komast inn á InfoMentor.

Hvernig virkja ég PIN númerið?
Aðeins nemendur og aðstandendur geta skráð sig inn á InfoMentor með PIN númeri í stað notandanafns og lykilorðs. Til þess að virkja það þarf að skrá sig fyrst inn og þá kemur upp spurning hvort þú viljir virkja PIN númerið. Í framhaldinu smellir þú á nafnið þitt og velur „Breyta PIN“. Þú þarft að velja 4 stafa númer sem nýtist þér alltaf þegar þú skráir þig inn á InfoMentor með þessu tiltekna tæki.

© InfoMentor 2017 / Vefsíða frá Bravissimo