InfoMentor Logo

Aðgangur að upplýsingum

Til að komast inn á Mentor slærð þú inn kennitöluna þína sem notendanafn og lykilorðið þitt. Ef þig vantar nýtt lykilorð smellir þú fyrst á Gleymt/nýtt lykilorð og setur inn kennitöluna þína þegar beðið er um notendanafn.

Þá færðu tölvupóst á netfangið sem er skráð hjá skólanum sem leiðir þig áfram. Ef þú færð ekki póstinn þarftu að hafa samband við skólann og athuga hvort þú ert með rétt netfang skráð eða athuga hvort pósturinn hafi farið í ruslpóstinn (Junkmail).

Minn Mentor er sniðinn að þörfum nemenda og aðstandenda þeirra þannig að þeir geti nálgast allar upplýsingar frá skólanum á skýran og einfaldan hátt. Hver og einn getur skráð sig inn annað hvort í tölvu eða nýtt sér appið sem hægt er að sækja annað hvort á App Store eða Google Play.

Mikilvægt er að hver notandi fari inn á sinni kennitölu því svæði aðstandenda og nemenda eru að einhverju leyti ólíkir. Aðstandendur geta t.d. skráð leyfi og veikindi, sent öðrum aðstandendum tölvupóst o.fl. sem nemendur geta ekki. Þá geta nemendur skráð sjálfsmat á sínu svæði en það er ekki hægt á svæði foreldra.

Mentor appið

Nemendum og aðstandendum gefst kostur á að sækja sér Mentor appið sem auðveldar aðgengi að upplýsingum. Hver og einn notandi getur stillt hvort hann vilji fá tilkynningar þegar nýjar skráningar koma inn eða hvort hann vilji fá yfirlit skráninga í lok dags. Til að skoða skráninguna frekar þarf aðeins að smella á hana og þá er viðkomandi kominn inn á sitt svæði í Mentor.

Þetta er leiðin sem nemendur og aðstandendur þurfa að fara til að setja upp appið

  1. Verið með notandanafn og lykilorð við höndina
  2. Skráið ykkur inn á Mentor
  3. Fylgið leiðbeiningum á skjá

Allt sem þú þarft að vita

Þegar nemendur og aðstandendur skrá sig inn á Minn Mentor sjá þeir marga reiti í mismunandi litum. Hver og einn þeirra inniheldur ákveðnar upplýsingar og sjá má strax yfirlit um hve mikið er þar á bak við og hvort eitthvað nýtt hefur bæst við frá því síðast þegar notandi skráði sig inn.

Fjöldi þessara mislitu reita getur verið mismunandi eftir skólum og mögulega eru einhverjir í boði sem skólinn er ekki að nota. Framan við nafn nemandans er bjalla og með því að smella á hana færðu yfirlit yfir nýjar færslur.

Stundaskrá – hér sérðu stundaskrána og getur t.d. valið ákveðinn dag fram í tímann ef þú vilt skoða hvernig kennslu er háttað þann dag.

Tengiliðalisti – hér sérðu tengiliðalistann þar sem hægt er að velja á milli bekkjarlista sem inniheldur nöfn nemenda og starfsmannalista skólans. Hægt er að senda tölvupóst á báða þessa lista hvort heldur hóp eða einstaklinga. Aðstandendur geta stýrt sýnileika sínum á listanum en það er gert í gegnum stillingar á persónuvernd á Minn Mentor. Við bendum á að ef aðstandandi er með lokað fyrir birtingu þar þá berst honum ekki tölvupóstur sem aðrir aðstandendur senda innan kerfisins. Til að senda póst þarf að haka við allan hópinn eða við nöfn þeirra einstaklinga sem eiga að fá póst og senda tölvupóst t.d. þegar bjóða þarf í afmæli eða minna á bekkjarskemmtun.

Ástundun – hér má sjá ástundun um leið og kennari hefur skráð hana inn. Sem aðstandandi getur þú tilkynnt veikindi frá þessu svæði beint úr símanum þínum og leyfi í einstaka kennslustundum sé skólinn með opið á þann möguleika.

Dagatal – Hér skrá kennara heimanám og áætlanir sem birtast hjá nemendum og aðstandendum í dagatalinu, hér er einnig hægt að hafa skóladagatalið en það sýnir yfirlit yfir alla helstu atburði ársins, s.s. prófdaga, starfsdaga, frí og aðrar mikilvægar dagsetningar.

Fréttir – hér birtast allar almennar fréttir frá skólanum en að auki geta verið fréttir sem eingöngu eiga við um bekkinn.

Verkefni – hér eru verkefnin sem nemendur eiga annað hvort að vinna í skólanum eða geta leyst heima. Nemendur hafa yfirsýn yfir það hve mörg verkefni bíða þeirra og þegar þeir hafa lokið þeim af geta þeir hakað við og merkt að þeim sé lokið.

Námslotur – hér sjáum við námslotur sem nemandinn er skráður í. Þær geta náð yfir mislöng tímabil en innihalda allt sem viðkemur kennslunni í hverri grein fyrir sig.

Námsmat – hér er yfirlit yfir allt námsmat í hverri grein. Hvort sem um er að ræða hæfniviðmið, námsmarkmið eða verkefni. Það er misjafnt eftir skólum hvaða mörguleika þeir nota en allir ættu þó að vera með námsmat tengt hæfnikorti nemenda.

Námsmappa – hér eru ýmis gögn sem tilheyra nemandanum. Það geta verið myndir, sýnishorn af verkum hans eða vitnisburðarskírteini.

Rafræn próf – kennarar geta lagt rafræn próf fyrir nemendur sem þeir svara á InfoMentor og skila inn.

Vikuáætlun – yfirlit yfir vikuna, hvort sem það er heimavinna eða aðrar upplýsingar frá kennaranum. Hægt er að fletta fram í tímann á komandi vikur. Haustið 2021 eru nokkrir skólar sem nota þennan möguleika en núverandi leið til að skrá heimanám er í gegnum dagatalið.

Flýtileið í símann – það er einfalt að búa til flýtileið í símanum að InfoMentor. Þá þarf aðeins að smella á táknið og slá inn PIN til að komast inn.

PIN númer
– nemendur og aðstandendur geta virkjað PIN númer sem þeir nota til að skrá sig inn í stað þess að vera með notandanafn og lykilorð.

Spurningar og svör
Hér getur þú sótt skjal sem inniheldur algengustu spurningar og svör fyrir aðstandendur nemenda í grunnskóla
Hlaða niður
Einkamál: Kíktu á myndböndin
Tilkynning til heimilanna
Hér getur þú sótt tilkynningu sem hægt er að senda nemendum og aðstandendum til að kynna fyrir þeim nýja Mentor appið.
Hlaða niður
Hafa samband

InfoMentor
Höfðabakki 9
110 Reykjavík

Sími: 520 5310
Netfang: info@infomentor.is

Infomentor

Allir nemendur eiga að fá tækifæri til að hámarka hæfni sína. Við tökum virkan þátt í skólaþróun og bjóðum upp á kerfi sem styður við faglegt starf kennara og miðar að hæfnimiðuðu námi.

© InfoMentor 2022
locklaptopearthmagnifiercrossmenuchevron-downarrow-rightplus-circle