Laust starf – viðskiptastjóri

23. mars 2016

Mentor óskar eftir að ráða viðskiptastjóra fyrir Ísland. Leitað er að öflugum aðila í krefjandi starf viðskiptastjóra, þar sem frumkvæði, samskipta-færni og skipulögð vinnubrögð fá að njóta sín. 

Starfs- og ábyrgðarsvið

• Stjórnun þjónustueiningarinnar á Íslandi
• Ábyrgð á samskiptum við viðskiptavini og samstarfsaðila
• Umsjón með innleiðingu nýrrar kynslóðar Mentor kerfisins á Íslandi

Menntunar- og hæfniskröfur:

• Kennaramenntun og framhaldsnám í viðskiptafræði æskileg
• Reynsla af stjórnun og markaðsmálum
• Hæfni við greiningavinnu og áætlanagerð
• Framúrskarandi samskiptahæfileikar

Við leitum að kraftmiklum einstaklingi í krefjandi starf í góðu starfs-umhverfi þar sem hágæðavinnubrögð eru höfð að leiðarljósi. Viðkomandi þarf að vera þjónustudrifinn með afbragðs hæfileika í mannlegum samskiptum. Umsóknir sendist til starf@mentor.is fyrir 2. apríl 2016.

Um Mentor

Mentor er ört vaxandi upplýsigatæknifyrirtæki með starfsstöðvar í fimm löndum. Mentor er í fremstu röð á sviði upplýsingakerfa fyrir skóla, með áherslu á hæfnimiðað námsmat. Alls starfa 55 starfsmenn hjá fyrirtækinu, þar af eru 20 staðsettir á Íslandi. Fyrirtækið þjónustar í dag um 1200 skóla.